BANDO
DON MANUEL ÁNGEL OTERO LEGIDE, ALCALDE-PRESIDENTE DO EXCMO. CONCELLO DE MONDOÑEDO
FAGO SABER:
Con motivo da celebración da V Edición do Festival Breason e o Magosto popular que terá lugar o día 7 de novembro de 2026, e co fin de garantir a seguridade das persoas, o bo desenvolvemento das actividades e a protección do Conxunto Histórico,
DISPOÑO:
PRIMEIRO.- Prohibición de estacionamento e corte ao tráfico rodado.
Queda prohibido o estacionamento de vehículos e cortado o tráfico rodado o sábado, día 7 de novembro de 2026, dende as 12:00 horas ata as 04:00 horas do domingo día 8 de novembro, nas seguintes rúas:
Rúa Concepción
Rúa Progreso
Rúa Lence Santar
Rúa Alfonso VII
Rúa Lodeiro Piñeiroa
Rúa Andrés Baamonde
Rúa Casas Novas
A prohibición de estacionamento farase efectiva dende as 12:00 horas do mesmo día 7 para permitir a instalación de valado e sinalización.
SEGUNDO.- Garantía de emerxencias e garaxes.
En todo momento quedará garantido o paso a vehículos de emerxencia (sanitarios, bombeiros, Garda Civil e Protección Civil) e o acceso a garaxes particulares dos veciños e veciñas residentes, debendo seguir en todo caso as indicacións da organización, da Policía Local e de Protección Civil.
Pregamos a máxima colaboración da veciñanza e desculpen as molestias. O Festival Breason é un evento de interese cultural para a nosa cidade.
O que fai saber para xeral coñecemento.
O Alcalde,
(Podes descargar o Bando asinado a seguir)