BANDO DE ALCALDÍA
DON MANUEL ÁNGEL OTERO LEGIDE, Alcalde-Presidente doConcello de Mondoñedo, por medio do presente,
FAI SABER: Que o Concello de Mondoñedo vén de iniciar ostraballos para a redacción dun Plan Especial de Protección e Rehabilitación doConxunto Histórico da nosa Cidade, que virá a actualizar o PEPRI que estávixente desde o ano 1994.
Continuando coa longa experiencia que xa acumula Mondoñedo,o novo Plan adaptado a todas as leis e normas ditadas nos últimos 27 anospropoñerá as acción necesarias para facilitar a mellora e a rehabilitación dosedificios e das vivendas do conxunto, que representan a nosa morada e tamén aorixe e identidade mindoniense, coa finalidade de acadar a recuperación de todoo noso patrimonio, mellorando as condicións de vida das veciñas e dos veciños eo aprecio e desfrute de todas e todos nós e de cantas persoas nos visitan.
Para realizar estes traballos cómpre coñecer ascaracterísticas, o estado e as necesidades actuais de mellora dos edificios,das vivendas e dos locais. Para estes efectos, persoal técnico ao servizo doConcello -debidamente acreditado e identificado- visitará nas próximas semanastodas as vivendas e locais, recadando a información precisa.
Con tal motivo, diríxome a todas e todos as veciñas eveciños pregándolle que faciliten o acceso das técnicas e técnicos ao interiordo edificio e colaboren do mellor modo á recollida da información que llessolicitarán, para documentar o mellor posible os traballos, dos que o ConxuntoHistórico e toda a Cidade nos beneficiaremos.
Agradecendo a colaboración de todas e de todos, e contandoque servirá para mellor fundamentar os proxectos para a mellora do nosoConxunto Histórico e das súas vivendas, locais e edificios.
O que se fai público para xeral coñecemento ecorrespondentes efectos.
O Alcalde;
Descargue o Bando a seguir: