Actualidade

¿TI VÍCHESME O OUTRO DÍA" OBRA GAÑADORA DO XVI CERTAME DE POESÍA "DÍAZ JÁCOME" PARA NOVOS CREADORES

Mateo Buján Varela veciño de Mugardos foi o gañador do XVI Premio de Poesía Díaz Jácome para novos creadores, convocado polo Concello de Mondoñedo en colaboración coa Área de Cultura da Deputación Provincial de Lugo. O traballo presentado polo gañador que obterá un premio de 1500 €, praca e diploma, ten por título ¿Ti vichesme o outro día¿
O segundo premio, dotado con 600 €, praca e diploma, recaeu na obra ¿Turxencia na pel¿ da que é autora, Antía Juncal Avendaño de Bueu.
Raúl Costas Pereira, acadou o 3º premio, dotado con 300 €, praca e diploma, coa obra ¿Actualidade¿. Raúl Costas é de Nigrán.
A entrega do Premio terá lugar o vindeiro sábado, 19 de decembro a partir das 12.15 horas da mañá segundo o seguinte programa:
12.15 horas; Recepción oficial na Casa do Concello.
12.30 horas; Entrega de Premios no Salón de Plenos do Concello.