Logo de que a rexedora mindoniense, Elena Candia, solicitase ao Goberno central o financiamento das actuacións de mellora na rúa Lence Santar para que se concretase unha partida económica de 200.000 euros, o Executivo Central deu luz verde para arranxar esta rúa.
A alcaldesa de Mondoñedo agradeceu a dispoñibilidade e o traballo dos deputados nacionais para canalizar esta petición, que responde a unha demanda e a unha necesidade dos veciños, e puxo en valor o compromiso dos populares coa provincia, coa Mariña e con Mondoñedo.