Actualidade

CAMPAMENTO URBANO "MÓVETE CON NÓS A MONDOÑEDO"

O presidente do "Estudiantes Lugo", Suso Lázare, e o vicepresidente deportivo, Arsenio Chapela, ultimaron onte co concelleiro de Deportes, Manuel Tapia, os detalles do vindeiro campamento que este clube deportivo ten pensado organizar en Mondoñedo, entre o 24 e 28 de agosto.
Adiantaron as actividades que se desenvolverán neste campamento urbano, dirixido a rapaces e rapazas entre 3 a 13 anos. Así, os nenos poderán disfrutar do deporte e tamén de talleres de manualidades, xornadas de piscina, hinchables e actividades de aventura e culturais. Entre elas, a visita aos principais monumentos da cidade episcopal.
Por último, dende a concellería de deportes invitan a participar nesta actividade, lembrando que estará aberto a rapaces de toda a comarca da Mariña.