Capela das Neves
Esta pequena capela situada nas proximidades do barrio de Maariz, parroquia de Santiago, e pegada ao Camiño de Santiago é unha edificación moderna. Posúe planta rectangular e espadana coroando a fachada. No seu interior alberga unha imaxe de San Rosendo do século XVIII.
Capela de San Pedro da Torre
Esta construción, ubicada no barrio do mesmo nome e dentro da parroquia de Santiago, data do século XVI e foi reformada posteriormente. Presenta nave, arco triunfal, capela maior e sancristía detrás.
No seu interior albérganse diversas imaxes de San Pedro, entre outros.
Capela de San Paio
Capela de planta rectangular con espadana coroando a fachada principal. Na mesma gárdase un retablo do século XVI con diversas imaxes ademais da de San Paio.