Casa do Concello
Interior Casa do Concello
A actual casa consistorial, situada na Praza do Concello, é un antigo Pazo do s. XVIII (1747) onde se localizaba a sé do Rexemento Provincial de Mondoñedo.
O edificio presenta unha planta cuadrangular con tres fachadas de pedra de granito onde podemos encontrar dous escudos: un Escudo Real e o Escudo da Cidade.
Sobre a parede esquerda do edificio estivo apoiada a muralla que rodeaba a cidade e na zona caleada albergouse a capela de Angustias que lle daba nome ao arco que se localizaba nese lugar.
Este edificio, que acolle as dependencias municipais dende o ano 1932, tivo a súa última reforma na década dos 90 do século XX.
Na actualidade alberga a Alcaldía, Secretaría, Oficinas Administrativas, Tesourería, Servizos Técnicos, Arquivos e Policía Local.