A tradición hospitalaria mindoniense ven dende antigo e ademais dun hospital para leprosos documéntase en 1275 a primeira nova sobre unha ¿alberguería¿ (Hospital de San Paulo), un hospital de peregrinos e residencia de anciáns e enfermos situado na Praza da Catedral. Localizado cara a rúa da Rigueira e río de Sixto. Hoxe esta construción está desaparecida.
No século XVIII o bispo Sarmiento de Sotomayor pretende edificar un novo hospital que reunise as condicións adecuadas para desempeñar a súa función. Así consegue fusionar os antigos hospitais nunha nova edificación que levará os nomes de (San Paulo e San Lázaro), pois conseguirá que os rexedores de Mondoñedo lle cedan o padroado e administración dos dous no ano 1750.
O Hospital constrúese entre o 1750 e 1755 na parte alta da cidade, na Alameda de Os Remedios, a carón da cárcere que el construíra con anterioridade e que hoxe está desaparecida ao edificarse no seu lugar o PAC.
Este edificio presenta planta cadrada con fachada barroca e patio central. Sobre a portada principal posúe o escudo do bispo Sarmiento e de Mondoñedo formando un singular conxunto. No interior posúe unha capela que alberga un retablo barroco de dous corpos del s. XVIII con un cristo de época.